A Ruína é un show no que tanto asistentes como convidados especiais comparten en público a súa anécdota máis embarazosa: aquela vez que a súa parella lles deixou por WhatsApp, cando quedaron durmidos nunha reunión importante, un malentendido cun taxista… A típica anécdota que os amigos sempre piden que contes nas ceas.
Na Ruína rimos, si, pero dalgunha maneira tamén facemos terapia de grupo ao ver que todos levamos un loser dentro.
Os cómicos e guionistas Ignasi Taltavull & Tomàs Fontes conducen o show, acompañados dun convidado que lles axudará a comentar as anécdotas desa noite.
Polos micros da Ruína pasaron a compartir a súa miseria xente como Berto Romero, Facu Díaz, Marc Virou, ou o noso Hematocrítico… E demostráronnos que absolutamente todos somos máis estúpidos do que cremos.
Cada show é diferente e imprevisíbel, e cada vez conta con máis seguidores. Porque todos temos (como mínimo) unha ruína que o mundo merece escoitar.
