Xabi Blanco, Xabi B, comeza a pinchar no 2002 en Galicia e leva máis de 15 anos poñendo música en Madrid.
Durante 5 anos formou parte de Eva A Xabi B, pinchando nalgúns dos festivais máis relevantes do pais como Sonorama, Tomavistas, Gigante, Atlantic Fest ou Noches del Botánico. E en salas como OchoyMedio, Independance, Sol (Madrid), XL e La3 (Valencia), REM (Murcia), El 21 (Huesca), Las Armas (Zaragoza), Mondo (Vigo) ou InnClub (A Coruña).
Como Xabi B, puidéchelo ver pinchando periodicamente nos desaparecidos Wharf73, Costello e na súa residencia en Corazón (2017-2020), onde tamén programaba.
Nos seus sets atoparás desde o hip hop máis primitivo ata os novos sons urbanos; da electrónica retro ás últimas perlas do mainstream. Sempre co mesmo obxectivo: facer bailar á súa audiencia.
